| T O P I C R E V I E W |
| felix |
Posted - 29/05/2009 : 10:13:04
Decreto 242/2007, do 13 de decembro, polo que se regula o aproveitamento da enerxía eólica en Galiza
Abrir Decreto en PDF
Corrección de errores 13/12
Texto APROBADO polo Consello da Xunta na súa reunión do día 13 de decembro de 2007.
O Goberno Galego quere contribuír activamente a que Galiza non só siga a participar, senón que destaque no desenvolvemento da enerxía eólica e vaino facer baixo tres parámetros axiais: por unha banda, a enerxía eólica, ademais de promover a consecución dos obxectivos enerxéticos de maneira específica, deberá actuar como un vector de crecemento económico en sentido amplo, sobre todo nos territorios concretos en que se implante. En segundo termo, o desenvolvemento eólico deberá ser exemplar no plano ambiental: isto significa que a enerxía eólica, ademais de resultar limpa por non emitir gases contaminantes a atmosfera, na súa implantación deberá ser extremadamente respectuosa cos valores ambientais até o punto de non ocupar espazos de especial protección ambiental. E terceiro, a enerxía eólica debe supor progreso social, pero non unicamente para os promotores dos proxectos senón para o conxunto da cidadanía galega, estreitando o vínculo entre enerxía e sociedade e conseguindo unha maior aceptación desta modalidade de xeración.
No momento presente, a necesidade de que o aproveitamento do recurso eólico se realice consonte o modelo e os parámetros sinalados con anterioridade esixe unha nova regulación que reoriente a política aplicada e garanta de maneira indubidable a continuidade do desenvolvemento deste sector, que queda suxeito a un procedemento transparente e eficaz.
|
|
|
