Calantia explora 31 cultivos bioenergéticos en España para a produción de biocombustibles
------------------------------------------------------
Calantia Biotech, primeira empresa española de biotecnoloxía especializada en bioenergía, está desenvolvendo na súa parcela experimental situada na provincia de Valencia, distintos traballos de investigación para potenciar e comprobar o comportamento de 31 variedades vexetais, pertencentes a 14 especies distintas, como alternativas aos cultivos tradicionais para a produción de biocombustibles.
É destacable que todas as especies coas que Calantia experimenta son de segunda xeración, é dicir, son cultivos non relacionados co sector da alimentación. Entre as especies identificadas existen tanto variedades oleaginosas para a produción de biodiésel como lignocelulósicas para a obtención de bioetanol.
Para moitas das variedades seleccionadas esta é a primeira vez que se investiga en chan español. Analizar a súa adaptación e potencial baixo as condicións xeolóxicas e climatolóxicas do noso país supón unha tarefa ineludible de face a cumprir cos obxectivos nacionais e comunitarios establecidos en materia bioenergética.
A experimentación realízase mediante ensaios ao descuberto, cun mínimo de tres réplicas para cada variedade e/ou especie seleccionada, que á súa vez son sometidas a diferentes condicións de cultivo e época de sementa co fin de caracterizar o comportamento e o crecemento de cada unha delas. Con esta formulación experimental é posible facer unha primeira avaliación da cantidade e calidade de materia vexetal que cada especie produce e, por extensión, a potencia enerxética que son capaces de desenvolver. Estas aproximacións, xa iniciadas para un número reducido de especies durante o 2007, ampliáronse a 31 cultivos para o período 2008-2009.
Os obxectivos destas investigacións consisten, en primeiro lugar, en verificar in situ as teorías, as análises de composición bioquímica e os resultados de produtividade de pequenos ensaios (practicamente descoñecidos) realizados noutros países e latitudes, comprobando a viabilidade agronómica reportada sobre estas especies. En segundo lugar, avalíase o potencial de mellora biotecnológica das especies e variedades que confirmen un bo comportamento.
fonte:mundoenergia |
Calantia explora 31 cultivos bioenergéticos en España para a produción de biocombustibles
Posted - 23/04/2008 : 10:49:24
